الأحد، ١٨ نوفمبر ٢٠٠٧
الاثنين، ٥ نوفمبر ٢٠٠٧
خلص الاسبوع الثالث
مرسلة بواسطة خسرتني للأبد في ٧:٤٣ م 13 التعليقات
الاثنين، ٢٩ أكتوبر ٢٠٠٧
شقول شحجي
اشلونكم اخواني خواتي
الموضوع وايد صعب و وايد خطير ما ادري من وين ابتدي
بس صج شي صعب
عيشوا القصة معاي
المديرة : خسرتني للابد ممكن اتيني المكتب
خسرتني للابد : ان شاء الله
السكرتيره : هلا و الله اشلونك خسرتني للابد عيدك مبارك مع ابتسامه فيها سخرية
فتحت الباب و دشيت المديره : هلا و الله خسرتني مشكور على مسج المعايدة
المديرة : و انت بخير تقبل الله طاعتك عندي لك خوش خبر وايد حلو
انتي يا ام ... ما اتيبين لي الا الاخبار الحلوة و انا جنطتي زاهبه للدورة
و طبعا في قلبي اقول هذا الي راح ايي و يقطع رزقي و راح ياخذ مني الدورات و راح يسويلي مشاكل مع الزميلات وراح يقعد معاي بالمكتب و ايذيني و يمكن يطيح على مديرتي اتشيش نفس ما انا طحت عليها و ياكل علي الجو وسوسة شيطان
السكرتيرة : ها خسرتني اشرايك بالعيدية
السكرتيرة : اي راح يساعدك و راح هاهاهاها ماكو شي
البنت : قالت لي انا موظفة يديدة و يايه اشوف المكان و مكتبي
خسرتني للابد : جان رحتي حق رئيسة قسم الشئون الادارية و المالية
خسرتني للابد :حياج الله و قمت من مكاني و عدلت الغتره و قلت لها اتفضلي بيني و بينكم جميله جميله و مأدبه وايد
البنت : شنو طبيعة عملكم
و قلت لها عادي تقعدين معاي بالمكتب ؟؟
البنت : ما يهمني كلام الناس البنت :التدخين مسموح اهني ولا لاء ؟
خسرتني للابد : لا و الله مو مسموح بس عادي دخني انا اطلع بره
البنت : انا بمشي الحين اداوم يوم الاحد ان شاء الله
خسرتني للابد : حياج الله
يوم الاحد
ادخلت صابرين المكتب و لا انا مولع البخور و شاري طفايات للزقاير
و ناطرها و اول ما دشت سويت نفسي منهمك بالشغل
صابرين : صباح الخير خسرتني للابد
صابرين : تمام بس ابي اقولك شي على شان لا تنصدم
صابرين : انا ولد مو بنت و اسمي الصجي صقر
خسرتني للابد : شنو من صجج
خسرتني للابد : انا بروح حق المديره اكلمها
خسرتني للابد : يعني انتي تدرين
المديره : خسرتني هذا وضع موقت لين انشوف له مكتب ابروحه و لا اتلومني هذا مفروض علي فرض
المديرة : عطني فرصة
شكلي بحول اسمي من خسرتني للابد الى حنا البنات بروحنا
مرسلة بواسطة خسرتني للأبد في ١:٣٠ م 16 التعليقات
السبت، ٢٠ أكتوبر ٢٠٠٧
رسالة
في صمته المُدوي .. يبُثني شكواه
إنه يحب .. وحبه في هذه الدنيا
هو الأصدق
إنه أمامي .. يا لها من نظرةٍ حزينة
تحجب النهار .. تطل من عينيه
يا لها من وجنةٍ في دمعته
يقرأ في ملامحها الضياع
كأنها بحّار قد ا ُنسي العوم
ومن حوله تنهد الموج ولا يرى مرساه
إنه أمامي ساءت في طباعه .. الطباع
لا يقبل اللوم .. يبكي على ليلاه
إنه أمامي يا لها من قصةٍ حزينة
تطل من عينيه
تطل من عينه تلك .. سنينه العجاف
والذكرى
وتلك التي أحبها .. سنين
تلك التي رمت به في البحر
ومع غيره ركبت سفينة
وتركت له المجداف للذكرى
أحمق
يا له من أحمق هذا الذي أمامي
العاشق الأصدق
لها هذه الرسالة
لمن علمته الصبر والغضب
لها لعلها تلقى من الإحساس ما يكفي
لكي ترثي حاله
لها لعلها تعلم إنه إن أدبرت
أو أقبلت هالكٌ .. هالكٌ
لا محالة
لمن علمته الصبر كتبت هذه الرسالة
كتبتها ألقيتها في ماء هذا الغاضب الأزرق
في البحر
كتبتها كي أنقذ الأصدق
هذا الذي أمامي العاشق الأصدق
كتبت في الرسالة .. تحياتي حبيبته سلامي
إنه أمامي .. له من المتاعب ما يكفي لكي يُعشق
فجرحيه بأن تريحيها .. له روحٌ أبت إلا على يديك أن تـُزهق
فقتليه بالرحيل .. أو تعالي وأزهقيها
لمن يحب كتبت هذه الرسالة
فعلت ما علي كتبتها .. ألقيتها في ماء هذا الغاصب الأزرق
في البحر
كتبتها كي أنقذ الأصدق
هذا الذي أمامي العاشق الأصدق
يا صاحب لا اعرفه في الشاطئ الآخر
لربما ستلقى ما كتبت
لربما ستقرأ الرسالة
اقرأ من الأخر .. إن كنت تعرف من يحب
خذها لها .. وقل لها إن الذي أمامي
لا.. لا.. لا
يا صاحبا ً لا اعرفه مزّق الرسالة مزق الرسالة واضحك على المأساة
اضحك على المأساة
عرفت من أمامي .. إنها المرآة
عبدالرحمن بن مساعد
مرسلة بواسطة خسرتني للأبد في ٧:٤٨ م 12 التعليقات
الأربعاء، ١٠ أكتوبر ٢٠٠٧
المسابقة الثالثة
مرسلة بواسطة خسرتني للأبد في ١:٢٤ ص 41 التعليقات
الجمعة، ٥ أكتوبر ٢٠٠٧
حل المسابقة 2
مرسلة بواسطة خسرتني للأبد في ٤:٠١ ص 12 التعليقات
الأحد، ٣٠ سبتمبر ٢٠٠٧
المسابقة الثانية
لمشاهدة الصورة افضل
http://www.moq3.com/img/uploads/FDj67509.jpg
مرسلة بواسطة خسرتني للأبد في ٣:٠٥ م 38 التعليقات
الجمعة، ٢٨ سبتمبر ٢٠٠٧
خلاص خلاص بطلنا
مرسلة بواسطة خسرتني للأبد في ٢:٢٧ ص 15 التعليقات
الاثنين، ٢٤ سبتمبر ٢٠٠٧
المسابقة
تنويه بسيط الجائزة قيمه مو مثل بعض الناس 50 فلس
مرسلة بواسطة خسرتني للأبد في ٩:٤٩ م 37 التعليقات
الأربعاء، ١٢ سبتمبر ٢٠٠٧
مبارك عليكم الشهر
مرسلة بواسطة خسرتني للأبد في ١٢:٤٠ م 22 التعليقات
الاثنين، ٢٧ أغسطس ٢٠٠٧
دورة الشيشة
اخواني خواتي
و اخيرا وصل وقت الدوره
بركاتج يا شيشة
ان شاء الله اليوم راح اسافر الي هونكونج و من بعدها بروح الى زياره الي صين
و ان شاء الله راح اكون متواصل معام بالنت اذا كان في انتر نت بالفندق
و الي يبي شي من الصين و هونكونج لا يتردد يكتبه بالمدونه و انا اذا رجعت الكويت ان شاء الله راح اقراه
استودعكم الله
مع السلامة
مرسلة بواسطة خسرتني للأبد في ١:٢٣ ص 19 التعليقات
الأربعاء، ٢٢ أغسطس ٢٠٠٧
حدث في السفر
في المطار كان موجود معاي في الطيارة وزير سابق انا ما اعرفه معرفة شخصية و اول مره اشوفه بس للامانه الرجل محترم لدى الجميع
سلمت عليه و مشيت
و بعد ما وصلنا بالسلامة رحت الفندق و لا اشوف الوزير ساكن في نفس الفندق الي انا ساكن فيه
ابتسمت له و تحمد لي بالسلامة و كل واحد راح غرفته
و انتهى الموضوع مع الوزيرالسابق
و للعلم ان الفندق الي انا ساكن فيه تحته مركز تسوق كبير كل يوم انزل انا مع الاهل نتمشى فيه
و اخلي الاولاد يلعبون و المره تتسوق و انا اروح اقعد في احد المقاهي الموجوده في المجمع
وفي اول يوم لي ازور المقهى الموجود بالمجمع أصادف احد الاصدقاء راعين الدقات القشره موجود مع زوجته و اعياله في المقهى سويت نفسي ما شفته لان كنت متاكد ان راح يسوي فيني دقة اتفشل
اول ما قعدت ولا اشوف الوزير السابق داش و لانه شخص متواضع وايد سلم علي و رحب فيني و راح قعد مع وفد على ما اعتقد
المهم شويه ولا الجرسون يايب لي عصير فراوله و يقولي اهلا و سهلا نورت المقهى و هذا عصير من صاحب المقهى
انا قلت هذا اكيد شافني مع الوزير قال يبي كرت زيارة او عقد عمل انا شكو اشرب العصير الي بلاش و امشي
و ثاني يوم دخلت المقهى نفس الشي ياب لي عصير فراوله و سلم علي بحرارة شديده
و بعد شويه يوني ولد و بنتين مع امهم و اطلبوا يصورون معاي طبعا من الجنسية المصرية
و بعدها ياني صاحب المقهى و طلب ان يتصور معاي و انا فرحان في هالسالفة و اقول في قلبي لو يدرون ان مالي علاقة في الوزير شنو راح يسون المهم ما ارتحت من القعده و حبيت امشي ولا رفيجي صاحب الدقات داش اهو و زوجته
قعد زوجته في مكان و ياني يسلم علي
جان اقوله تكفة لا اتسوي شي الناس اهني يحسبوني رفيج الوزير السابق الي امس كان موجود
قالي و اهم اشعرفهم انك رفيجه قلت له ما ادري بس شافوا الوزير يسلم علي قالوا هذا مو هين و يابولي عصير فراوله بلاش
جان يموت من الضحك و طاح بالقاع فشلني و الله ضحكته مالت دوانية مو مقهى محترم
و الناس كلهم يطالعوني و هذا صاحب القهوى مصور معاي و شكله يبي يعلق الصوره بالمقهى تفشلت حدي و الله
و بعد ما ضحك و ضحك الناس علينا
قالي امس لما شفتني و صديت عني قلت حق الجرسون ان هذا فنان كويتي معروف روح قدم له عصير على حسابي
و قلت له و هذول الي صوروا معاي انا كنت احسبهم اهل الجرسون و يبون يتمصلحون مني على شان اتوسط لهم
رد يضحك بصوت عالي و مرته تضحك معاه تفشلت و الله
طلعت من المقهى و انا ويهي مقصوص و احس الكل يطالعني فشلني و الله
مرسلة بواسطة خسرتني للأبد في ١:٣٦ م 8 التعليقات
السبت، ١٨ أغسطس ٢٠٠٧
الســ عليكم ـــلام
اخواني خواتي شكرا لك من سأل عني في غيابي و صدقوني اني اشتقت لكم وايد
و تحسفت وايد اني ما خذيت الاب توب معاي على شان اتواصل معاكم
اشكركم من كل قلبي
بنت الكويت
salfa3ajeeba
Q8DOLL
فراوله
أم النمل
5roofa
عالية
Shaima'a Alkandari
**************************************************
و الف الحمد لله على سلامتج يا اختي عالية
و فقدناج وايد
و ما اتشوفين شر
اما بخصوص المكافأة
انا تبرعت فيها حق اللجان الخيرية
دفعت بلا
********************************************************
اختي العزيزة ام دم خفيف وايد
Q8DOLL
طلبتي مني في بوست تعدد الزوجات اعطيج الدليل عن اختلاف الايتين
اختي في كل المذاهب فسروا الايتين بهذا التفسير
و الايتين واضحين و مو محتاجين اي تفسير
شوفي الله سبحانه و تعالة قال
بسم الله الرحمن الرحيم
فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة
يعني الله سبحانه و تعالى اجاز للرجل الزواج من اربع زوجات
و ان خاف ان لا يعدل بينهم يكتفي بواحده
الخوف هنا يعني ان لا يكون عادل بالانصاف بينهم او النفقة المالية
و ذكره في الاية الثانية
بسم الله الرحمن الرحيم
ولن تستطيعوا ان تعدلوا بين النساء ولو حرصتم فلا تميلوا كل الميل فتذروها كالمعلقة و ان تصلحوا و تتقوا فان الله كان غفور رحيما
انتي كتبتي الشطر الاول من الاية الكريمة
و كان التوضيح واضح في الشطر الثاني الذي لم تذكرينه
تفسير هذه الاية في كل المذاهب السني و الجعفري و الصوفي و غيرهم ان العدل عدل المحبه ان الله سبحنة و تعالة
ينبه الرجال ان لايستطيعوا ان يعدلو بالمحبة بين الناس فلابد من وجود الافضلية لزوجه على الاخره
اتمنى اني ما تفلسفت وايد و ان كلامي واضح
و ان شاء الله ما في بدليات
مرسلة بواسطة خسرتني للأبد في ٢:١٩ م 13 التعليقات
الخميس، ٩ أغسطس ٢٠٠٧
انا مسافر
الســ عليكم ــلام
اخواني خواتي
انا مسافر لمدة اسبوع و راجع لكم
مرسلة بواسطة خسرتني للأبد في ٦:٢١ م 10 التعليقات
الجمعة، ٢٧ يوليو ٢٠٠٧
مديرتي و الشيشة
الســ عليكم ــلام
اشلونكم اخواني خواتي ان شاء الله تكونوا بخير وصحة و عافية
يوم الاربعاء اتصلت فيني مديرتي وقالت اذا تسمح اتيني المكتب
رحت لها و دشيت عليها عطتني مقدمه طويله و ممله عن اخلاقي و اخلاصي بالعمل
وبعد ما خلصت المقدمة و اهي مرتبكه طلعت زجارة و ولعتها
و سألتني سؤال و اهي مرتبكه حدها
المديرة : انت قلت حق منو انك شفتني اشرب شيشه بالقهوة
تبون الصج انا تخصبقت قلت لايكون اهي داشة النت وشايفة المدونه
خسرتني للابد : قلت لها مثل منو تقصدين
المديرة : ما اقصد احد بس ابي اعرف انت قلت حق منو
خسرتني للابد : ما قلت حق اي احد معانا بالدوام
استانست وطفت الزجارة و دقت على الفراش وقالت يب قهوة فرنسية حق خسرتني للابد
قلت اشوه عدا الموضوع على خير
المديرة : اوكي بره الدوام قلت حق منو
خسرتني للابد : ما قلت حق احد بس قلت حق بعض الاصدقاء بالنت
المديرة : شنو انت قايل حق الناس بالنت انك شفتني و انا اشيش
خسرتني للابد : اي بس ما قلت اسمج قلت لهم مديرتي
المديرة : وليش ما قلت حق الربع بالدوانية
خسرتني للابد : لا اتخافين الي بالنت ما يعرفوني ولا يعرفونج
المديره : الله يهداك يا خسرتني للابد انا امنتك على الشي ووعدتني ان محد يدري
خسرتني للابد : لا اتخافين صدقيني
المديره : انا اثق فيك وتفضل هذا كتاب بترشيحك لدورة خارجية
خسرتني للابد : مشكوره و ماقصرتي و اذا كان ترشيحي على شان موضوع اني شفتج اتشربين الشيشة بالقهوة انا ما ابي الدورة
طبعا انا بايق هالجملة من فلم مصري
المديره : لا و الله يا خسرتني للابد الترشيح ياي من الوزارة باسمك مو انا الي مرشحتك
تبون الصج اكبرت بعيني على صراحتها لو كان مديري ريال جان قالي انا مرشحك وانا حاربت على شان تطلع الدورة
خسرتني للابد : انتي قلت لي انج مرشحتني لدوره
المديرة : صح في دوره ثانية انا رشحتك لها بس ما اوصلت الموافقه عليها
خسرتني للابد : مشكوره و ماقصرتي
المديرة : متى راح تعزمني على الشيشة ؟
خسرتني للابد : يوم الاثنين
المديرة : اوكي
خسرتني للابد : مع السلامة
رحت مكتبي وألا الخوات الي معاي بالدوام يباركون لي على الدورة
اموت و عرف اشلون درو عن موضوع الدورة و ليش البنات ما ينخش عنهم شي
اشلون يعرفون كل اصغيره و كبيره اتصير حواليهم
مرسلة بواسطة خسرتني للأبد في ٢:٥٦ ص 24 التعليقات
الأربعاء، ١١ يوليو ٢٠٠٧
مرسلة بواسطة خسرتني للأبد في ٨:٣٧ ص 15 التعليقات
الأربعاء، ٤ يوليو ٢٠٠٧
للهم اجعل قبره روضة من رياض الجنة . لا حفرة من حفر النار
اللهم أغفر له وارحمه واعف عنه واكرم نزله
اللهم ابدله دارا خيرا من داره . واهلا خيرا من اهله
اللهم انقله من ضيق اللحود ومن مراتع الدود الى جناتك جنات الخلود لا اله الا انت يا حنان يا منان يا بديع السموات والارض تغمد ( اخ الاخت قماشة ) برحمتك يا ارحم الراحمين
مرسلة بواسطة خسرتني للأبد في ١٢:٤٩ ص 10 التعليقات
الأحد، ١ يوليو ٢٠٠٧
مرسلة بواسطة خسرتني للأبد في ١:٣٨ م 4 التعليقات
الجمعة، ٢٢ يونيو ٢٠٠٧
حب الناس
مرسلة بواسطة خسرتني للأبد في ٩:٣٦ ص 5 التعليقات
السبت، ١٦ يونيو ٢٠٠٧
مبروك يا ولد بنت الكويت
الف مبروك تخرج ولد بنت الكويت
وعقبال الدكتوراة ان شاء الله
مساهمة بسيطة مني لاشارك اختي بنت الكويت فرحتا
اتمنى ان تعجبها لاني عملتها على عجلة من امري و بوسط زحمة الدوام و ريحة الزقاير
الاغلاط وايد بالمساهمة بس حبيت اساهم
مرسلة بواسطة خسرتني للأبد في ١:٠٠ م 6 التعليقات
الثلاثاء، ١٢ يونيو ٢٠٠٧
ابي حل
بعد ما تقاعدت مديرتي القديمة
و عينوا مديرة جديدة
ما تغير علينا شي كلش الشغل اهو الشغل
بس المشكلة في المديرة الجديدة
ما خلت مكان إلا وحطت فيه ممنوع التدخين
في كل زاوية و كل غرفة علقت لنا ممنوع التدخين
و بصراحة انا معاها في هذا القرار لأني ما أدخن و الإدارة إلي أنا فيها أكثرها بنات
المهم بعد صدور هذا القرار قمنا انشم ريحة زقاير
و انا كنت اقول اكيد واحد مار او حارس المبنى يدخن
و بما اني انا الريال الوحيد في هذا الادارة تقريبا لان اكثر الرجال ما يداومون
اصابع الاتهام توجهت علي و الكل يقول ان خسرتني للابد يدخن و المديرة توصت فيني كل يوم و ترك
اتقولي لا اتدخن و انا احلف اني ما ادخن
و البنات يتذمرون مني و يقلون لي لا اتدخن ترا المديرة تتذمر منك وايد
و انا اقول يا ربي شنو اسوي على شان اثب لهم ان مو انا الي ادخن
ما اطول عليكم السالفة اول امس ترخصت من الدوام و رحت قهوة من القهاوي الي على البحر
و اول ما دشيت حصلت مديرتي قاعدة و اتشيش و حاطة الباكيت جدامها
و انا من سذاجتي رحت و سلمت عليها
و كنت بدفع عنها الحساب
مشكلة اهي اتدخن و تبلشني انا
و انا اخذت قرار اني راح ادخن من اليوم
مرسلة بواسطة خسرتني للأبد في ١١:٥٥ ص 6 التعليقات