الى اللقاء

الســ عليكم ــلام

الى اللقاء

خلص الاسبوع الثالث

الســ عليكم ــ لام

اشلونكم شخباركم

:(((((

ما ادري شنو اقول

صقر ( صابرين ) متأذي معاه حدي

بلشه و ابتلشت فيها ما ادري شنو اسوي

مشكلتي مع صقر ( صابرين ) ان اهو ما ادري اهي مثقفة وايد

و عنده جواب حق كل سؤال

و الي باط جبدي و قاهرني ان عنده ثقة بنفسه

يعني عادي يطلع حاط مكياج و متسنع ما يستحي

انا اول مره اشوف بشر جذي بحياتي

خلوني اقولك سوالف صابرين معاي

دايما ماسكه التليفون و اتسولف بالساعات ما عنده اي مشكله

مرة من المرات سمعته يسولف مع ريال و انا طبعا لايعه جبدي من حركاته وسوالفة

سوالف حب و غرام و غزل

سوالف ما اتقوله الزوجه حق زوجها

كلام عجيب و غزل مو طبيعي يتغزل صقر ( صابرين ) بالريال سألته منو هذا قالي ريلي بالمستقبل

و يضحك ضحكته البايخ و انا اعض براطمي من القهر و ودي احذفه بالماوس

اي الله يوفقكم

قلت خوش فرصة انصحة

خسرتني للابد : قلت لها صقر ( صابرين ) انت ليش اتسوي بنفسك جذي ليش ما تذكر ربك و اتصلي

يا اخي انت لما تسمع الاذان قلبك ما يخشع ما تذكر ربك شنو اخرة هاللعب الي قاعد تلعبة

صقر ( صابرين ) : خسرتني للابد يعني انت الي قاعد تنصحني ما عندك اخطاء في حياتك ؟

خسرتني للابد : اي عندي اخطاء انا مو انسان مثالي لا كلي اخطاء بس انا اذكر ربي و اصلي و اصوم و احاول اني ابتعد عن الاخطاء كثر ما اقدر

صقر ( صابرين ) : انا ما اعرف اصلي

خسرتني للابد : مو مشكله الصلاة سهله و بخمس دقايق اتعلمها

صقر ( صابرين ) : دقيقة مبايلي يرن اكلمه و ارد

خسرتني للابد : تفضل و انا في قلبي قلت خلاص صارت راح يتوب على ايدي و اصير نفس اختي

Selezya

و راح يتوب على ايدي

و انا سرحان و فرحان اني وصلت معاه لنتيجة

جان اسمعه يضحك ضحكه عالية و يقول خلاص اليوم ايكم الحفله و ايب معاي البنات

خسرتني للابد : شنو حفله بنات !!!! هذا يتوب ؟ يتوب طل بعيني هذا انا لو قاعد اقنع في ابليس جان يمكن احترمني على الاقل و مشى عني

و سكرت الموضوع

المشكله يا اخواني و خواتي في الاخوات الي معاي بالادارة

قبل ما يمرون مكتبنا و اذا يبون شي يدقون تليفون الحين كل يوم يمرون و يفتعلون الاشياء على شان يتطمشون على صقر ( صابرين ) شنو لابس شنو مكياجة

من سوالف صقر ( صابرين ) معاي

يقولي صقر ( صابرين ) خسرتني للابد انت يبيلك ابرتين ميزو سربي ( ان شاء الله الاسم عدل ) و اتصير سمبتيك

انا اقوله شنو تطلع هذي بعد لا يكون مخدرات شكلك انت بتودينا بدهية و لا شكلك محكوم عليك بقضية

صقر ( صابرين ) : يضحك بصوت عالي لا هذي ابره حق الرجيم

خسرتني للابد : سويت نفسي اعرف هالابره جدامه قلت بعد هالجلب يروح جدام الجنوس ربعه و يقلهم السالفة ويتطنزون علي

انا خايف ان هالجلب قاعد بين ربعه الجنوس كل يوم يتطنزون علي

صقر ( صابرين ) : اشرايك في بكول لجين ان شاء الله الاسم عدل

خسرتني للابد : اي اعرفه مو هذا الي يلعب بالارسنل

صقر ( صابرين ) : اي ارسنل هذي عملية يسونها حق يتفخون الخدود

خسرتني للابد : لا يكون تبين اتفخ اخدودي بعد

هذا الي ناقص ما تبيني اصير معاكم

يا اخواني و يا خواتي انا قمت اعرف اشياء وايد وايد جني بديت اتحول

لحقوني قمت اعرف بكول لجين و اعرف اسماء الجنوس و اعرف وين يروحون

و متى يسهرون

ليش انا يصير فيني جذي

هذا الاسبوع الثالث طاف

و ما انقلوه

انتظروا مكالمتي مع بو جراح خطيب صقر ( صابرين ) الله لا يوفقهم

ودي اصوره و احط صورته لكم على شان اتشوفون شكله

صدقوني بنت مو ولد

شقول شحجي

الســ عليكم ــلام
اشلونكم اخواني خواتي
الموضوع وايد صعب و وايد خطير ما ادري من وين ابتدي
بس صج شي صعب
عيشوا القصة معاي
المديرة : خسرتني للابد ممكن اتيني المكتب
خسرتني للابد : ان شاء الله
السكرتيره : هلا و الله اشلونك خسرتني للابد عيدك مبارك مع ابتسامه فيها سخرية

خسرتني للابد : الله يسلمج و عيدج مبارك وين العيدية

السكرتيره : اتصدق عاد اني يايبتلك خوش عيدية مع ضحكة سخرية

خسرتني للابد : ما اتوقع ان راح تطلع منج عيدية المهم المديره تبيني

السكرتيرة : اي عندي خبر اتفضل دش
فتحت الباب و دشيت المديره : هلا و الله خسرتني مشكور على مسج المعايدة

خسرتني للابد : لا اشدعوة هذا واجب و كل عام و انتي بخير
المديرة : و انت بخير تقبل الله طاعتك عندي لك خوش خبر وايد حلو

خسرتني للابد : قلت في قلبي اكيد دوره يديدة ولا ترقيه
انتي يا ام ... ما اتيبين لي الا الاخبار الحلوة و انا جنطتي زاهبه للدورة

المديرة : هاهاهاها لا مو دوره في موظف يديد انتقل عندنا و انا راح احطه معاك بالمكتب يشيل عنك الحمل الزايد للشغل

خسرتني للابد : اي حياه الله خوش خبر انا صج محتاج واحد يساعدني
و طبعا في قلبي اقول هذا الي راح ايي و يقطع رزقي و راح ياخذ مني الدورات و راح يسويلي مشاكل مع الزميلات وراح يقعد معاي بالمكتب و ايذيني و يمكن يطيح على مديرتي اتشيش نفس ما انا طحت عليها و ياكل علي الجو وسوسة شيطان

خسرتني للابد : متى ان شاء الله راح يداوم

المديرة : اهو مسوي مباشره من اليوم و تدري احنا اول يوم دوام بعد العيد ما افتكر ان راح يداوم الا يوم الاحد الياي

خسرتني للابد : شنو اسمه يمكن اعرفة

المديرة : اسمه صقر الـ... و باين عليه خوش ولد ادارة السابقة تمدحه

حسرتني للابد : حياه الله الحين اكلم رئيسة قسم الحدمات اتحط له مكتب عندي تامريني بشي ثاني

المديرة : لا مشكور و ما قصرت بس دير بالك عليه و علمه الشغل
السكرتيرة : ها خسرتني اشرايك بالعيدية

خسرتني للابد : تتكلمين عن الموظف اليديد
السكرتيرة : اي راح يساعدك و راح هاهاهاها ماكو شي

خسرتني للابد : تضحكين احسابي مع ريلج مو معاج اليوم اشوفه بالدوانية و اراويج فيه

السكرتيرة : هاهاهاها خسرتني انت كاسر خاطري

خسرتني للابد : شكلج خاشة شي او اتعرفين شي المهم زهبوا له المكتب و انا قلبي محترق شنو يطلع صقر و الشيطان طايح له توسوس بعد يومين انا قاعد بالمكتب اسمع الرويشد و افكر في صقر ولا ادش علي بنت عمرها تقريبا 20 سنه بس بيني وبينكم جميله جمال شي مو طبيعي

البنت : و بكل ادب قالت لي انت خسرتني للابد

خسرتني للابد : قلت لها نعم امري
البنت : قالت لي انا موظفة يديدة و يايه اشوف المكان و مكتبي
خسرتني للابد : جان رحتي حق رئيسة قسم الشئون الادارية و المالية

البنت : رحت و قالت لي مكتبج مع مكتب خسرتني للابد
خسرتني للابد :حياج الله و قمت من مكاني و عدلت الغتره و قلت لها اتفضلي بيني و بينكم جميله جميله و مأدبه وايد
البنت : شنو طبيعة عملكم

خسرتني للابد : علمتها طبيعة الشغل
و قلت لها عادي تقعدين معاي بالمكتب ؟؟

البنت : عادي شنو فيها يعني

خسرتني للابد : ما ادري بس ما راح تسلمين من كلام الناس
البنت : ما يهمني كلام الناس البنت :التدخين مسموح اهني ولا لاء ؟
خسرتني للابد : لا و الله مو مسموح بس عادي دخني انا اطلع بره

البنت : انت اشفيك رجعي عادي اقعد شنو يعني اذا دخنت جدامك

خسرتني للابد : شنو اسمج ؟

البنت : صابرين

خسرتني للابد : اكيد امها مصرية
البنت : انا بمشي الحين اداوم يوم الاحد ان شاء الله
خسرتني للابد : حياج الله
يوم الاحد
ادخلت صابرين المكتب و لا انا مولع البخور و شاري طفايات للزقاير
و ناطرها و اول ما دشت سويت نفسي منهمك بالشغل
صابرين : صباح الخير خسرتني للابد

خسرتني للابد : صباح النور اشلونج
صابرين : تمام بس ابي اقولك شي على شان لا تنصدم

خسرتني للابد : تفضلي
صابرين : انا ولد مو بنت و اسمي الصجي صقر
خسرتني للابد : شنو من صجج

صقر : اي من صجي و شنو فيها

خسرتني للابد : فيها اشياء وايد

صقر : عطني سبب واحد

خسرتني للابد :ما ادري بس سمعتي الناس شنو راح يقلون عني

صقر : اوكي و اذا كان الي معاك بالمكتب تاجر مخدرات او سكير كنت راح ترفض ان يكون معاك بالمكتب او اذا كانت بنت بويه قاعده مع البنات تتوقع راح يرفضونها او يمنعون جلوسها بينهم
خسرتني للابد : انا بروح حق المديره اكلمها

السكرتيرة : هاهاها اشلونك مع صقر
خسرتني للابد : يعني انتي تدرين

السكرتيرة : اي شفت صورته بالشهادة

دشيت عند المديره على طول

المديره كلمتين و رد قطاهم من غير ما افتح الموضوع
المديره : خسرتني هذا وضع موقت لين انشوف له مكتب ابروحه و لا اتلومني هذا مفروض علي فرض

خسرتني للابد : يعني جم يوم راح يقعد ؟
المديرة : عطني فرصة

خسرتني للابد :الحين صار لي اسبوعين و انا دشيت بصداقتي معاه و ابشركم بديت اتعلج و بديت اقرا مجلات الازياء
شكلي بحول اسمي من خسرتني للابد الى حنا البنات بروحنا

رسالة

الــ عليكم ــلام

اشلونكم اخواني خواتي اتمنى انكم اتكونون بخير و صحة و عافية

قصيدة اعجبتني وايد

اهداء من الاخت العزيزة وايد

الشقردية

اتمنى انها تعجبكم

رسالة الى

إنه أمامي .. العاشق الأصدق
في صمته المُدوي .. يبُثني شكواه
إنه يحب .. وحبه في هذه الدنيا
هو الأصدق
إنه أمامي .. يا لها من نظرةٍ حزينة
تحجب النهار .. تطل من عينيه
يا لها من وجنةٍ في دمعته
يقرأ في ملامحها الضياع
كأنها بحّار قد ا ُنسي العوم
ومن حوله تنهد الموج ولا يرى مرساه
إنه أمامي ساءت في طباعه .. الطباع
لا يقبل اللوم .. يبكي على ليلاه
إنه أمامي يا لها من قصةٍ حزينة
تطل من عينيه
تطل من عينه تلك .. سنينه العجاف
والذكرى
وتلك التي أحبها .. سنين
تلك التي رمت به في البحر
ومع غيره ركبت سفينة
وتركت له المجداف للذكرى
أحمق
يا له من أحمق هذا الذي أمامي
العاشق الأصدق
لها هذه الرسالة
لمن علمته الصبر والغضب
لها لعلها تلقى من الإحساس ما يكفي
لكي ترثي حاله
لها لعلها تعلم إنه إن أدبرت
أو أقبلت هالكٌ .. هالكٌ
لا محالة
لمن علمته الصبر كتبت هذه الرسالة
كتبتها ألقيتها في ماء هذا الغاضب الأزرق
في البحر
كتبتها كي أنقذ الأصدق
هذا الذي أمامي العاشق الأصدق
كتبت في الرسالة .. تحياتي حبيبته سلامي
إنه أمامي .. له من المتاعب ما يكفي لكي يُعشق
فجرحيه بأن تريحيها .. له روحٌ أبت إلا على يديك أن تـُزهق
فقتليه بالرحيل .. أو تعالي وأزهقيها
لمن يحب كتبت هذه الرسالة
فعلت ما علي كتبتها .. ألقيتها في ماء هذا الغاصب الأزرق
في البحر
كتبتها كي أنقذ الأصدق
هذا الذي أمامي العاشق الأصدق
يا صاحب لا اعرفه في الشاطئ الآخر
لربما ستلقى ما كتبت
لربما ستقرأ الرسالة
اقرأ من الأخر .. إن كنت تعرف من يحب
خذها لها .. وقل لها إن الذي أمامي
لا.. لا.. لا
يا صاحبا ً لا اعرفه مزّق الرسالة مزق الرسالة واضحك على المأساة
اضحك على المأساة
عرفت من أمامي .. إنها المرآة

عبدالرحمن بن مساعد

المسابقة الثالثة

الســ عليكم ــلام

عيدكم مبارك و الله يتقبل طاعتكم و صيامكم و قيامكم

اخواني خواتي منعا لاي احراج

هذا رقم حسابي

201050002466

بيت التمويل الكويتي

يعني ما راح يقصر منكم شي اذا كل واحد و وحده يعايدني بي 10 او 20

ادري اني مصخته بالمسابقات البايخة

و ان الاغلبية قاعدة اتجاملني بس استحملوني انا مثل اخوكم

المهم لعبة حلوة وايد يمكن ماره عليكم بس حلوه و ما فيها جائزة لان مو انا مسويها

صراحة شي ممتع جدا وبنفس الوقت يختبر ذكاءك وقدرتك على الاستنتاج والاكتشاف وبنفس الوقت يختبر هدوء اعصابك

أنت في غرفة مقفلة باحكام وعليك ان تجد 13 عنصر موجود بالغرفة حتى تنفتح لك الغرفة وتخرج منهاوإن وجدت من 0-6 عناصر فنسبة ذكائك بكل أسف منخفضة جدا جداو إن وجدت من 6-8 عناصر نسبة ذكائك منخفضة و لكن ليس إلى درجة الغباء و الحمدلله أما إن وجدت من 9-10 عناصر نسبة ذكاء إنسان طبيعي و إن وجدت 11-12 عنصر أنت تتمتع بنسبة ذكاء عالية و فوق المعدل الطبيعي و إن تمكنت من إيجاد كل الأشياء فستكون أحد الـ 4000 شخص ممن تمكنوا من إيجادها و الخروج من الغرفة بنجاح صراحة مو شي سهل ويبيلها طولت بال وهذا الرابط تفضلو و على فكره رقم خسرتني للابد 3500 من الي اطلعوا من الغرفة

اhttp://flash.abunawaf.com/2005/09/room.swf

منقول

حل المسابقة 2

الســ عليكم ــلام

اشلونكم شخباركم

نتائج المسابقة محد توصل للاجابة الصحيحة

مع انه سهله وايد

الاختلاف رقم 11 اهو كان اصعب اختلاف

شيماء كانت اقرب وحده للحل بس ما اعرفت الاختلاف رقم 10 مع ان واضح و باين

بس انقول ان الكبر شين

المسابقة الثانية

الســ عليكم ــلام

تنوية

بسيط الشعريعتبر مع القذله يعني القذله و الشعر يعتبرون اختلاف واحد

المسابقة الثانية سهله وايد ولا يبي لها اي تركيز

يعني الاختلافات باينه و واضحة

اما بالنسبة لرسوم الاشتراك انحب انبلغكم ان كنسلنا الرسوم

بسبب معارضة بعض الناس و تهديدهم لنا بعدم المشاركة

المسابقة عباره عن 13 اختلاف المطلوب ايجاد 12 لان من المستحيل اتصيدون الاختلاف رقم 13

الله يوفقكم

لمشاهدة الصورة افضل

http://www.moq3.com/img/uploads/FDj67509.jpg

مشكورة اختي شيماء الكندري على الموقع

خلاص خلاص بطلنا

الســ عليكم ــلام

الكل يطالب بالفوز بس و الله محد ياب الختلافات كلها

و انا على شان محد يزعل و افك روحي من الجائزة قلت راح احط الحل

و راح اسوي مسابقة ثانية اصعب من هذي لان بصراحة اكتشفت ان المسابقة الاولى سهله

و انتوا شطار وايد و مو هينين

و على فكره الكل جاوب الاجابة الصحيحة

الاختلاف الي محد قدر يعرفه ان ستاند المايك

مو كامل من تحت

محد عرف هالحل الا كويتية حساوية

بس في المره الاولى نست الزلف رقم 7 و المره الثانية نست ظل المايك الي على الطوفة رقم 9

ويه الرويشد ما فيه شي

المسابقة الثانية راح اتكون اصعب

و احتمال راح اسويها بفلوس يعني الي يبي يشترك راح يدفع 40 دينار على شان يشترك

:))))))

المسابقة

الســ عليكم ــلام

اعجبتني سالفة المسابقات الي حطتها الاخت العزيزة

Selezya

و بصراحة حبيت اقلدها بس بطريقة ثانية

المسابقة عبارة صورتين فيهم 12 اختلافات

تنويه بسيط الجائزة قيمه مو مثل بعض الناس 50 فلس

مبارك عليكم الشهر

مبارك عليكم الشهر

و ان شاء الله يتقبل طاعتكم

اخواني خواتي ادعو الله لي ولكم بصيام هذا الشهر و بالثبات بعد شهر رمضان

****************************************************

اختي الكريمة بنت الكويت

صدقيني اني تكدرت و ضاق خلقي على فراقج طول شهر رمضان اتمنى انج اتعيدين النظر في قرارج

صدقينتي يا اختي الكريمة ان ما نستغني عنج ولا عن مواضيعج ولا تعليقاتج

و ما ادري شنو راح يصير في

Q8DOLL

اثر غيابج

و الله انا خايف تاخذها حجة و تفطر

بنتظارج

****************************************************

طلبت مني الاخت الغالية

vancouver

اني اشتري تراجي الماس من هونكونج لام اعيالي

بصراحة انا رحت محل مجوهرات راقي وايد اعتقد ان اسمه دماس

و اول ما دشت والا اشوف الهنود و الانجليز يشترون بالهبل

من المحل اكبرت براسي قلت هذول يشترون و انا ما اشتري اهم مو احسن مني

قمت و اقلب في الخواتم الاماس و نقيت خاتم و انا قاعد اكول في قلبي جم بيطلع يعني

و لو شنو يكون سعره ما راح ابخل على ام عيالي فيه

لان بصراحة اماعيالي تستاهل كل خيرو انا عمري ما اوفيها حقها

المهم سألت عن سعر الخاتم جان اتقولي البياعة ان عندك ذوق و بصراحة اختيارك وايد حلو

الي ما اتعرفونه ان انا معرفتي بالاماس مثل معرفة ابوجهل في الكمبيوتر

المهم البياعه انفختني و انا صدقت نفسي ان عندي ذوق

و قلت لها بكم و انا حدي مصدق نفسي

جان اتقولي 900 دينار تقريبا

انا بصراحة كسرت خاطر نفسي قلت هالهنود يشترون و انا ما اشتري

قمت و طلعت من المحل و انا خاطري مكسور و اسب الهنود و اسب المحل و رحت و شريت لها بدله و شريت لها ساعتين

و جناط و انا لين الحين اسب الهنود

****************************************************

خروفة

اختي العزيزة خروفة سألت احد مشايخ الدين و قالي ان سماع صوت الحوت في رمضان يفطر

خليها بعد رمضان ما ابي اجرح صيامي

دورة الشيشة

اخواني خواتي
و اخيرا وصل وقت الدوره
بركاتج يا شيشة
ان شاء الله اليوم راح اسافر الي هونكونج و من بعدها بروح الى زياره الي صين
و ان شاء الله راح اكون متواصل معام بالنت اذا كان في انتر نت بالفندق
و الي يبي شي من الصين و هونكونج لا يتردد يكتبه بالمدونه و انا اذا رجعت الكويت ان شاء الله راح اقراه
استودعكم الله
مع السلامة

حدث في السفر

الســ عليكم ــلام

في المطار كان موجود معاي في الطيارة وزير سابق انا ما اعرفه معرفة شخصية و اول مره اشوفه بس للامانه الرجل محترم لدى الجميع
سلمت عليه و مشيت
و بعد ما وصلنا بالسلامة رحت الفندق و لا اشوف الوزير ساكن في نفس الفندق الي انا ساكن فيه
ابتسمت له و تحمد لي بالسلامة و كل واحد راح غرفته
و انتهى الموضوع مع الوزيرالسابق
و للعلم ان الفندق الي انا ساكن فيه تحته مركز تسوق كبير كل يوم انزل انا مع الاهل نتمشى فيه
و اخلي الاولاد يلعبون و المره تتسوق و انا اروح اقعد في احد المقاهي الموجوده في المجمع
وفي اول يوم لي ازور المقهى الموجود بالمجمع أصادف احد الاصدقاء راعين الدقات القشره موجود مع زوجته و اعياله في المقهى سويت نفسي ما شفته لان كنت متاكد ان راح يسوي فيني دقة اتفشل
اول ما قعدت ولا اشوف الوزير السابق داش و لانه شخص متواضع وايد سلم علي و رحب فيني و راح قعد مع وفد على ما اعتقد
المهم شويه ولا الجرسون يايب لي عصير فراوله و يقولي اهلا و سهلا نورت المقهى و هذا عصير من صاحب المقهى
انا قلت هذا اكيد شافني مع الوزير قال يبي كرت زيارة او عقد عمل انا شكو اشرب العصير الي بلاش و امشي
و ثاني يوم دخلت المقهى نفس الشي ياب لي عصير فراوله و سلم علي بحرارة شديده
و بعد شويه يوني ولد و بنتين مع امهم و اطلبوا يصورون معاي طبعا من الجنسية المصرية
و بعدها ياني صاحب المقهى و طلب ان يتصور معاي و انا فرحان في هالسالفة و اقول في قلبي لو يدرون ان مالي علاقة في الوزير شنو راح يسون المهم ما ارتحت من القعده و حبيت امشي ولا رفيجي صاحب الدقات داش اهو و زوجته
قعد زوجته في مكان و ياني يسلم علي
جان اقوله تكفة لا اتسوي شي الناس اهني يحسبوني رفيج الوزير السابق الي امس كان موجود
قالي و اهم اشعرفهم انك رفيجه قلت له ما ادري بس شافوا الوزير يسلم علي قالوا هذا مو هين و يابولي عصير فراوله بلاش
جان يموت من الضحك و طاح بالقاع فشلني و الله ضحكته مالت دوانية مو مقهى محترم
و الناس كلهم يطالعوني و هذا صاحب القهوى مصور معاي و شكله يبي يعلق الصوره بالمقهى تفشلت حدي و الله
و بعد ما ضحك و ضحك الناس علينا
قالي امس لما شفتني و صديت عني قلت حق الجرسون ان هذا فنان كويتي معروف روح قدم له عصير على حسابي
و قلت له و هذول الي صوروا معاي انا كنت احسبهم اهل الجرسون و يبون يتمصلحون مني على شان اتوسط لهم
رد يضحك بصوت عالي و مرته تضحك معاه تفشلت و الله
طلعت من المقهى و انا ويهي مقصوص و احس الكل يطالعني فشلني و الله

الســ عليكم ـــلام
اخواني خواتي شكرا لك من سأل عني في غيابي و صدقوني اني اشتقت لكم وايد
و تحسفت وايد اني ما خذيت الاب توب معاي على شان اتواصل معاكم
اشكركم من كل قلبي
بنت الكويت
salfa3ajeeba
Q8DOLL
فراوله
أم النمل
5roofa
عالية
Shaima'a Alkandari
**************************************************
و الف الحمد لله على سلامتج يا اختي عالية
و فقدناج وايد
و ما اتشوفين شر
اما بخصوص المكافأة
انا تبرعت فيها حق اللجان الخيرية
دفعت بلا
********************************************************
اختي العزيزة ام دم خفيف وايد
Q8DOLL
طلبتي مني في بوست تعدد الزوجات اعطيج الدليل عن اختلاف الايتين
اختي في كل المذاهب فسروا الايتين بهذا التفسير
و الايتين واضحين و مو محتاجين اي تفسير
شوفي الله سبحانه و تعالة قال
بسم الله الرحمن الرحيم
فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة
يعني الله سبحانه و تعالى اجاز للرجل الزواج من اربع زوجات
و ان خاف ان لا يعدل بينهم يكتفي بواحده
الخوف هنا يعني ان لا يكون عادل بالانصاف بينهم او النفقة المالية
و ذكره في الاية الثانية
بسم الله الرحمن الرحيم
ولن تستطيعوا ان تعدلوا بين النساء ولو حرصتم فلا تميلوا كل الميل فتذروها كالمعلقة و ان تصلحوا و تتقوا فان الله كان غفور رحيما

انتي كتبتي الشطر الاول من الاية الكريمة
و كان التوضيح واضح في الشطر الثاني الذي لم تذكرينه
تفسير هذه الاية في كل المذاهب السني و الجعفري و الصوفي و غيرهم ان العدل عدل المحبه ان الله سبحنة و تعالة
ينبه الرجال ان لايستطيعوا ان يعدلو بالمحبة بين الناس فلابد من وجود الافضلية لزوجه على الاخره

اتمنى اني ما تفلسفت وايد و ان كلامي واضح
و ان شاء الله ما في بدليات

انا مسافر

الســ عليكم ــلام
اخواني خواتي
انا مسافر لمدة اسبوع و راجع لكم

مديرتي و الشيشة

الســ عليكم ــلام
اشلونكم اخواني خواتي ان شاء الله تكونوا بخير وصحة و عافية
يوم الاربعاء اتصلت فيني مديرتي وقالت اذا تسمح اتيني المكتب
رحت لها و دشيت عليها عطتني مقدمه طويله و ممله عن اخلاقي و اخلاصي بالعمل
وبعد ما خلصت المقدمة و اهي مرتبكه طلعت زجارة و ولعتها
و سألتني سؤال و اهي مرتبكه حدها
المديرة : انت قلت حق منو انك شفتني اشرب شيشه بالقهوة
تبون الصج انا تخصبقت قلت لايكون اهي داشة النت وشايفة المدونه
خسرتني للابد : قلت لها مثل منو تقصدين
المديرة : ما اقصد احد بس ابي اعرف انت قلت حق منو
خسرتني للابد : ما قلت حق اي احد معانا بالدوام
استانست وطفت الزجارة و دقت على الفراش وقالت يب قهوة فرنسية حق خسرتني للابد
قلت اشوه عدا الموضوع على خير
المديرة : اوكي بره الدوام قلت حق منو
خسرتني للابد : ما قلت حق احد بس قلت حق بعض الاصدقاء بالنت
المديرة : شنو انت قايل حق الناس بالنت انك شفتني و انا اشيش
خسرتني للابد : اي بس ما قلت اسمج قلت لهم مديرتي
المديرة : وليش ما قلت حق الربع بالدوانية
خسرتني للابد : لا اتخافين الي بالنت ما يعرفوني ولا يعرفونج
المديره : الله يهداك يا خسرتني للابد انا امنتك على الشي ووعدتني ان محد يدري
خسرتني للابد : لا اتخافين صدقيني
المديره : انا اثق فيك وتفضل هذا كتاب بترشيحك لدورة خارجية
خسرتني للابد : مشكوره و ماقصرتي و اذا كان ترشيحي على شان موضوع اني شفتج اتشربين الشيشة بالقهوة انا ما ابي الدورة
طبعا انا بايق هالجملة من فلم مصري
المديره : لا و الله يا خسرتني للابد الترشيح ياي من الوزارة باسمك مو انا الي مرشحتك
تبون الصج اكبرت بعيني على صراحتها لو كان مديري ريال جان قالي انا مرشحك وانا حاربت على شان تطلع الدورة
خسرتني للابد : انتي قلت لي انج مرشحتني لدوره
المديرة : صح في دوره ثانية انا رشحتك لها بس ما اوصلت الموافقه عليها
خسرتني للابد : مشكوره و ماقصرتي
المديرة : متى راح تعزمني على الشيشة ؟
خسرتني للابد : يوم الاثنين
المديرة : اوكي
خسرتني للابد : مع السلامة
رحت مكتبي وألا الخوات الي معاي بالدوام يباركون لي على الدورة
اموت و عرف اشلون درو عن موضوع الدورة و ليش البنات ما ينخش عنهم شي
اشلون يعرفون كل اصغيره و كبيره اتصير حواليهم

الســ عليكم ــلام

من يشاهد الفيديو كليب في هذه الايام يدرك بان

نحن العرب لم

نعد مبدعين بالمقلدين للغرب

يا جماعة شنو الي قاعدين نشوفه هالايام

انا ودي اعرف شي

هالمخرج او المغني ما عندهم بنات او خوات او امهات اتشوف الي قاعدين يسونه

و الله يا جماعة شي يفشل و يخرع

ان بالنسبة لي ما شفت ولا افتكر اني راح اشوف فيديو كليب مثل هذا الفيديو

و على فكره اعتقد ان هذا التصوير بالسبعينات لاكنه روعة في كل المقايس

الســ عليكم ــلام

انتقل الى رحمة الله تعالى

اخ الاخت الكريمة قماشة

ادعوا له بالرحمة و لاهله بالصبر
للهم اجعل قبره روضة من رياض الجنة . لا حفرة من حفر النار
اللهم أغفر له وارحمه واعف عنه واكرم نزله
اللهم ابدله دارا خيرا من داره . واهلا خيرا من اهله

وذرية خيرا من ذريته وزوجا خيرا من زوجه

وادخله الجنة بغير حساب

برحمتك يا ارحم الراحمين
اللهم انقله من ضيق اللحود ومن مراتع الدود الى جناتك جنات الخلود لا اله الا انت يا حنان يا منان يا بديع السموات والارض تغمد ( اخ الاخت قماشة ) برحمتك يا ارحم الراحمين

الـــ عليكم ــلام

اليوم الاخوات الي معاي بالدوام ارسلوا لي مجموعة اساله و قالوا لي جاوب عليها

الاسئله كانت حلوة و جميله حبيت اتشاركوني الاجابة

س 1 . ما الشي الذي لا يعجبك بالامرأه ؟

ج1 . غرورها و النميمة وتتبع اسرار الاخرين

س2 . ماذا يعجبك المرأه ؟

ج2 . الذي يعجبني بالمرأة طيبة قلبها وحنيتها و ثقافتها

س3 . هل تهتم بجمال المرأة و حسبها ونسبها و مالها ؟

ج3 . لا لا اهتم لان هذه الاشياء ثانوية بنسبه لي

اما طيبة القلب و الحنية هي بنسبة لي رئيسية لانه دائمة

س4 . ما ذا يعجبك بالرجل ؟

ج4 . احترامة لنفسة و احترامة للاخرين ومواقفة المشرفة وحبه لعمل الاخير

س5 . ماذا تكره بالرجل؟

ج5 . الانانية و حديثة عن نفسه

طبيعة الرجل دائما يتحدث عن نفسة ويسرد البطولات و المواقف و اهو من داخل ولا شي

س6 . احلف ان اجاباتك كله صحيحة

ج6 . و الله ان كل اجاباتي صحيحة

ودي اعرف شنو المقصود بالاسئلة ؟

!!!!!!!!!!!!!!!!!!!!!!

حب الناس

الســـ عليكم ـــلام

يوم كنت بالثانوية قالي الاستاذ عن عدة طرق لكسب حب الناس

اول طريقة ان اكون مبتسم دائما

و ثاني طريقة ان اتواضع

و ثالث طريقة ان اكون كريما

و الرابعة ان يكون كلامك جميل

و بالفعل طبقت الطرق

و نجحت نجاح كبير

ولاكن بعد عدة سنوات

اكتشفت ان هذه الطرقة لا تنفع لوقتنا الحالي

فالمبتسم دائما اصبح بنظر الناس مينون

و التواضع يخلي الناس تركب فوق راسك

و الكرام الناس تحسبك عبيط و مغفل

و ان كان لسانك طيب الناس تقول عنك كذاب و منافق

السؤال ليش الناس تغيرت و قاموا يظنون سوء النية قبل حسن النية

وليش اصبح الشخص الصادق كذاب بنظر الناس

و اصبح المثل ( الذيب ما يهرول عبث ) هوالمثل السائد

و الرسول عليه الصلاة و السلام قال

اياكم و الظن فان الظن اكذب الحديث

مبروك يا ولد بنت الكويت

الســـ عليكم ـــلام
الف مبروك تخرج ولد بنت الكويت
وعقبال الدكتوراة ان شاء الله
مساهمة بسيطة مني لاشارك اختي بنت الكويت فرحتا
اتمنى ان تعجبها لاني عملتها على عجلة من امري و بوسط زحمة الدوام و ريحة الزقاير
الاغلاط وايد بالمساهمة بس حبيت اساهم

ابي حل

بعد ما تقاعدت مديرتي القديمة
و عينوا مديرة جديدة
ما تغير علينا شي كلش الشغل اهو الشغل
بس المشكلة في المديرة الجديدة
ما خلت مكان إلا وحطت فيه ممنوع التدخين
في كل زاوية و كل غرفة علقت لنا ممنوع التدخين
و بصراحة انا معاها في هذا القرار لأني ما أدخن و الإدارة إلي أنا فيها أكثرها بنات
المهم بعد صدور هذا القرار قمنا انشم ريحة زقاير
و انا كنت اقول اكيد واحد مار او حارس المبنى يدخن
و بما اني انا الريال الوحيد في هذا الادارة تقريبا لان اكثر الرجال ما يداومون
اصابع الاتهام توجهت علي و الكل يقول ان خسرتني للابد يدخن و المديرة توصت فيني كل يوم و ترك
اتقولي لا اتدخن و انا احلف اني ما ادخن
و البنات يتذمرون مني و يقلون لي لا اتدخن ترا المديرة تتذمر منك وايد
و انا اقول يا ربي شنو اسوي على شان اثب لهم ان مو انا الي ادخن
ما اطول عليكم السالفة اول امس ترخصت من الدوام و رحت قهوة من القهاوي الي على البحر
و اول ما دشيت حصلت مديرتي قاعدة و اتشيش و حاطة الباكيت جدامها
و انا من سذاجتي رحت و سلمت عليها
و كنت بدفع عنها الحساب
مشكلة اهي اتدخن و تبلشني انا
و انا اخذت قرار اني راح ادخن من اليوم

الام

خسرتني للأبد